جرحـــ الزمن .. يضع لكم جديده ...(ياليل أنا وأنته من أسنين خلان)

هذه القصيده المتواضعه أبوح بها لكم بعد خمسة سنوات وأربعة أشهر تقريباً ... من كتابتها ..
وهذه القصيده لها المكانه والقدر الكبير عندي ...

وأتمنى أن تنال إعجابكم ..

محبكم

جرحــ الزمـــــن

ياليل أنا وأنته من سنين خلان ### وأزود من الخلان .. ربع ورفاقه
ياليل ما تحتاج تذكير ما كان ### تذكر بداياتي معك والصداقه
فتحت لي قلبك وأنا أشكي لك احزان ### وهموم في قلبي تزيد احتراقه
وضميتني والدمع من فوق الأوجان ### بعد الوداع المر لحظة فراقه
يوم ارتحل من عندنا وشد الأضعان ### اللي سلب عقلي وزاد اشتياقه
اقفى وخلاني وحيدن وحيران ### طيفه يجيني بالسنه عقب فاقه
ضمتني ياليل وأطلقت الأشجان ### وشكيت لك حظي وقلت وفاقه
وهب النسيم بلحظة شانها شان ### ردت على روح الأمل باصطفاقه
واسيتني ياليل فيها بتحنان ### جاب النسيم من الوطن ريح باقه
جتني روايحها كما ريح الأفنان ### من دوحة بارض خصيبه رقاقه
جتني وطفت داخلى نزف بركان ### يحرق عروقي جلها والدقاقه
واليوم أنا ياليل منون لوكان ### تجيب لي وترد يمه بطاقه
وقله على شوفك شوفق ولهان ### على النقاء ما هو ورا باب طاقه
وعلى الأمل ما زال بالقي إلى الآن ### وإلى الأبد لو قيل هذى حماقه